TDP : బితుకు బితుకుమంటూనే ఎమ్మెల్యేలు... వారికి స్ట్రాంగ్ వార్నింగ్ తప్పదటగా?

ముఖ్యమంత్రి చంద్రబాబు నాయుడు ఆ ఆరుగురు ఎమ్మెల్యేలకు నేడు క్లాస్ పీకే అవకాశం కనిపిస్తుంది. సోషల్ మీడియాలో విస్తృతంగా ప్రచారం కావడమే కాకుండా పార్టీకి, ప్రభుత్వానికి చెడ్డపేరు తెచ్చి పెట్టేలా వ్యవహరించే ఎమ్మెల్యేలను సమావేశంలోనే సీరియస్ వార్నింగ్ ఇచ్చే అవకాశాలున్నాయి. ఇప్పటికే ఆ ఆరుగురు ఎమ్మెల్యేలకు సంబంధించిన విషయాలను నివేదిక రూపంలో చంద్రబాబు నాయుడు తెప్పించుకున్నట్లు తెలిసింది. ఈరోజు ఉండవల్లిలోని చంద్రబాబు నాయుడు నివాసంలో టీడీపీకి చెందిన ఎమ్మెల్యేలు, మంత్రులు, పొలిట్ బ్యూరో సభ్యులతో కీలక సమావేశం నిర్వహించనున్నారు. ఈ సమావేశాల్లో రాష్ట్ర కమిటీ గురించి చర్చ అని చెబుతున్నప్పటికీ ఎమ్మెల్యేల వ్యవహార శైలిపైనే చంద్రబాబు చాలాసేపు మాట్లాడే అవకాశముందని తెలిసింది.