యోగాంధ్ర సూపర్ హిట్ : చంద్రబాబు

22 వేల 122 మంది గిరిజన విద్యార్థులు 108 సూర్య నమస్కారాలు 108 నిమిషాలు చేసి చరిత్ర సృష్టించారని చంద్రబాబు వివరించారు. మొదటిసారి రెండు గిన్నిస్ రికార్డులు నమోదయ్యాయని చెప్పారు. రాష్ట్రంలో రిజిస్ట్రేషన్లు 2 కోట్ల 45 లక్షల మంది చేసుకున్నారని, 25 లక్షల సర్టిఫికెట్లు ఇద్దామనుకుంటే కోటీ 80 లక్షల మంది పాల్గొన్నారన్నారు. యోగా అందరిదీ అని చెప్పిన ప్రధాని మోదీకి అభినందనలన్న చంద్రబాబు విశాఖలో యోగాంధ్ర నిర్వహించేందుకు కేబినెట్ సబ్ కమిటీ వేసి పని చేశామన్నారు. అధికార యంత్రాంగం అత్యుత్తమంగా పని చేసిందని కొనియాడారు. హుద్ హుద్ తుఫాన్ విపత్తులో అప్పటి ఎన్డీయే ప్రభుత్వం చేసిన పనికి ప్రధాని అభినందించారు