కుప్పం కు హంద్రీనీవా నీళ్లు : చంద్రబాబు

కుప్పంలో చివరి ఆయకట్టు వరకూ నీళ్లు తీసుకువస్తామని ముఖ్యమంత్రి చంద్రబాబు నాయుడు తెలిపారు. కుప్పం ప్రజావేదిక సభలో ముఖ్యమంత్రి చంద్రబాబు ప్రసంగించారు. స్వర్ణ కుప్పం ప్రాజెక్టులో అభివృద్ధి , సంక్షేమ కార్యక్రమాల ప్రారంభం అనంతరం మాట్లాడిన చంద్రబాబు నాయుడు విధ్వంసం చేసిన రాష్ట్రాన్ని వికాసం వైపుగా నడుపుతున్నామన్నారు. సుపరిపాలనలో తొలి అడుగులో భాగంగా మీ ముందుకు వచ్చానని, దేశంలోనే ఆదర్శ నియోజకవర్గంగా కుప్పాన్ని తయారు చేస్తామని తెలిపారు. 3890 కోట్ల రూపాయల వ్యయం చేసి హంద్రినీవా పనులు పూర్తి చేస్తున్నామని తెలిపారు. ఈ ఏడాదిలోనే కుప్పం నియోజకవర్గానికి హంద్రీనీవా నీళ్లు పారిస్తామని చెప్పిన చంద్రబాబు అభివృద్ధి చేసే వారికి మాత్రమే సంక్షేమం గురించి మాట్లాడే హక్కు ఉంటుందన్నారు.