మార్కాపురం ఎమ్మెల్యే పనితీరుపై చంద్రబాబు ఏమన్నారంటే?

మార్కాపురం ఎమ్మెల్యే పనితీరు ఆశించిన రీతిలో లేదని ముఖ్యమంత్రి చంద్రబాబు అన్నారు. అరకొర మార్కులకు వచ్చాయన్నారు. పదమూడు కార్యక్రమాలను పెడితే కేవలం ఎనిమిదింటికి మాత్రమే హాజరయ్యారని అన్నారు. మార్కాపురంలో టీడీపీ కార్యకర్తల సమావేశంలో చంద్రబాబు మాట్లాడారు. మార్కాపురం ఎమ్మెల్యేకు 37 శాతం మార్కులు మాత్రమే వచ్చాయని, పనితీరును మరింత మెరుగుపర్చుకోవాలని అన్నారు. ఎమ్మెల్యేల పనితీరును ఎప్పటికప్పుడు గమనిస్తూనే ఉంటానని తెలిపారు. చిట్టా చూసిన తర్వాత చర్యలు ఉంటాయని చంద్రబాబు హెచ్చరించారు. ఎమ్మెల్యేల పనితీరుపై తాను ఎప్పటికప్పుడు నివేదికలను తెప్పించుకుంటున్నానని చంద్రబాబు తెలిపారు.