రాయలసీమను రతనాల సీమగా మారుస్తాం : చంద్రబాబు

గత ప్రభుత్వంలో సర్వే రాళ్ల కోసమే700 కోట్ల రూపాయలు ఖర్చు చేశారన్నారు. ఐదేళ్లలో ప్రజలకు ఇళ్లు కట్టలేదు కానీ, రుషికొండలో ప్యాలెస్ కట్టారని చంద్రబాబు ఎద్దేవా చేశారు. ప్రజలు వాస్తవాలను గుర్తించాలన్నారు. అబద్ధాలను నమ్మకూడదన్నారు. రాయలసీమను రతనాల సీమగా చేసే బాధ్యత తనది అని అన్నారు. డ్రిప్ ఇరిగేషన్ ద్వారా పంటలను పండించుకోవచ్చని తెలిపారు. మడకశిరలో అరవై కోట్లు వెచ్చించి రింగ్ రోడ్డు నిర్మిస్తామని చంద్రబాబు హామీ ఇచ్చారు. పేదలందరికీ ఇళ్లు కట్టిస్తామని తెలిపారు. రెండు రిజర్వాయర్లను ఈ ప్రాంతంలో నిర్మిస్తామని చెప్పారు. భారీ వర్షంలోనూ చంద్రబాబు తన ప్రసంగాన్ని కొనసాగించారు.