Chandrababu : ఈసారి కొంచెం కష్టపడితే క్లీన్ స్వీప్ చేయడం ఖాయం : మహానాడులో చంద్రబాబు

రాయలసీమలో ఎప్పుడూ తిరుపతిలో జరుపుకునే వారమని, తొలిసారి మహానాడును దేవుడి గడప అయిన కడపలో జరుపుకుంటున్నామని చంద్రబాబు అన్నారు. గత ప్రభుత్వంలో టీడీపీ కార్యకర్తలను వేధించినా వెనక్కు తగ్గలేదన్నారు. పార్టీ ప్రతినిధులతో చర్చించేది టీడీపీ ఒక్కటేనని చంద్రబాబు అన్నారు. త్యాగాలు చేసిన కార్యకర్తల కుటుంబాలను ఆదుకుంటామని తెలిపారు. కార్యకర్తల సంక్షేమమే టీడీపీ తొలి నినాదం అని చంద్రబాబు తెలిపారు. ఎందరో టీడీపీ కార్యకర్తలు ప్రాణ త్యాగాలు చేసి అధికారంలోకి తీసుకు వచ్చారన్నారు. తాను ఒక సైనికుడినని, నిరంతరం పోరాటం చేస్తానని, తన శక్తి, ఆయుధాలు కార్యకర్తలేనని చంద్రబాబు కార్యకర్తలను ప్రశంసించారు. సిద్ధమా అని కార్యకర్తలను ప్రశ్నించారు. ఎన్నో యుద్ధాలు చేసిన టీడీపీ నీతి నిజాయితీగా రాజీకీయాలు చేస్తామని చంద్రబాబు తెలిపారు.