Chandrababu : షాను కలసి వచ్చిన తర్వాత చంద్రబాబులో ఈ మార్పు హేమిటో?

ఢిల్లీ పర్యటన తరువాత ఆంధ్రప్రదేశ్ ముఖ్యమంత్రి చంద్రబాబు నాయుడులో మార్పు కనిపిస్తుంది. ముఖ్యంగా కేంద్ర హోం మంత్రి అమిత్ షాతో భేటీ అయి వచ్చిన తర్వాత ఆయన స్వరం మారినట్లు కనిపిస్తుంది. తిరుమల లడ్డూ వివాదానాకి ఇక ఫుల్ స్టాప్ పెట్టాలని చంద్రబాబు నిర్ణయించినట్లు తెలిసింది. అంతకు ముందు రాష్ట్రంలో కూటమి నేతలందరూ ఏకమై సమావేశమై తిరుమల లడ్డూ వివాదంపై చర్చించారు. తిరుమల లడ్డూలో స్వామి వారిని అపవిత్రం చేసిన విషయాన్ని బలంగా ప్రజల్లోకి తీసుకెళ్లాలని నిర్ణయించారు. ఏ విషయంలో రెండేళ్లుగా కలసి కూర్చుని మాట్లాడుకోని కూటమి నేతలు తిరుమల లడ్డూ విషయంలో అత్యవసర సమావేశమై దానిని విస్తృతంగా ప్రజల్లోకి తీసుకెళ్లాలని నిర్ణయించారు. మీడియా సమావేశంలో మూడు పార్టీల నేతలు మాట్లాడారు.