సిక్కోలు వాసులకు గుడ్ న్యూస్

శ్రీకాకుళం జిల్లా వాసులకు త్వరలో కేంద్ర ప్రభుత్వం గుడ్ న్యూస్ చెప్పనుంది. సిక్కోలు జిల్లాలో మూలాపేటలో విమానాశ్రయం ఏర్పాటుకు ప్రయత్నాలు ఊపందుకున్నాయి. ఈ మేరకు రాష్ట్ర వైద్య ఆరోగ్య శాఖ మంత్రి సత్యకుమార్ యాదవ్ ట్వీట్ ద్వారా తెలిపారు. కేంద్ర ప్రభుత్వం రాష్ట్రంలో నాలుగు కొత్త విమానాశ్రయాలు నిర్మించేందుకు ప్రయత్నాలు ప్రారంభించిందని తెలిపారు. అందులో ఒకటి శ్రీకాకుళం జిల్లాలోని మూలాపేట ఒకటిగా ఆయన చెప్పుకొచ్చారు. పౌర విమానయాన శాఖ మంత్రిగా రామ్మోహన్ నాయుడు ఉండటంతో ఈ ప్రతిపాదన త్వరలోనే కార్యరూపం దాల్చే అవకాశాలు స్పష్టంగా కనిపిస్తున్నాయి.