Bus Accident : ఏపీలో మరో బస్సు ప్రమాదం.. ముగ్గురు సజీవ దహనం

ఏఆర్ బీ సీవీఆర్ ట్రావెల్స్ బస్సు నెల్లూరు నుంచి హైదరాబాద్ కు వెళుతుంది. అయితే టైర్ ఒక్కసారిగా పేలిపోవడంతో డివైడర్ ను దాటి ఎదురుగా వస్తును్న కంటైనర్ లారీని ఢీకొట్టింది. ఈ ప్రమాదం సమయంలో బస్సులో మొత్తం 36 మంది ప్రయాణికులున్నారు. అయితే అటుగా వెళుతున్న మరొక డీసీఎం వ్యాన్ డ్రైవర్ వెంటనే అక్కడ ఆపి బస్సు అద్దాలను పగలగొట్టగా అందులో ప్రయాణికులు చాలా మంది సురక్షితంగా బయటపడ్డారు. ఈ ప్రమాదంలో డ్రైవర్ భాస్కర్ తో పాటు క్లీనర్ కూడా సజీవదహనమయ్యారు. డ్రైవర్ భాస్కర్ ది కడప జిల్లా. బస్సులో ద్విచక్ర వాహనాలు కూడా వేసుకుని బయలుదేరడంతో అవి కూడా పూర్తిగా దగ్దమయ్యాయి.

అయితే మంటలు చెలరేగడంతో వెంటనే ప్రయాణికులు బస్సు అద్దాలను పగలకొట్టుకుని బయటపడ్డారు. అయితే ఈ సందర్భంగా అనేక మందికి గాయాలయ్యాయి. గాయాలపాలయిన ప్రయాణికులకును వెంటనే నంద్యాల ప్రభుత్వ ఆసుపత్రికి తరలించి చికిత్స తరలిస్తున్నారు. బస్సు ప్రమాదం జరిగిన సమయంలో అటుగా వెళుతున్న వాహనదారులు, స్థానికులు బస్సులో ఉన్న వారిని కాపాడేందుకు ప్రయత్నించారు. బస్సు అద్దాలను పగలగొట్టి వారిని బయటకు తెచ్చారు. ప్రమాదం జరిగిన విషయాన్ని తెలుసుకున్న వెంటనే పోలీసులు వెంటనే అక్కడకు చేరుకుని సహాయక చర్యలు చేపట్టారు. ప్రమాదంపై కేసు నమోదు చేసుకుని దర్యాప్తు చేస్తున్నారు. ఈ ప్రమాదంలో బస్సు పూర్తిగా దగ్దమయింది.