అమరావతిపై కూటమిది ప్రచార ఆర్భాటమే

అమరావతిని కేవలం తీర్మానాలతో పర్మినెంట్ అనుకుంటే పొరపాటే.. నిర్మాణాలు పూర్తి చేయాలన్నారు. రాష్ట్ర విభజన హామీల గురించి కూటమి ప్రభుత్వం ఎందుకు మౌనంగా ఉందన్నారు. ప్రత్యేక హోదా వస్తే ముంబై వంటి నగరాలు, పది అమరావతులు రాష్ట్రానికి వస్తాయని తెలిపారు. ప్రత్యేక హోదా కోసం కేంద్రంపై ఒత్తిడి ఎందుకు తీసుకురావడం లేదని ప్రశ్నించారు. మంత్రులు, ఎమ్మెల్యేల క్వార్టర్లను కూడా ఈ రెండేళ్లలో పూర్తి చేయలేకపోయారని అన్నారు. కనీసం కరకట్ట రోడ్డు కూడా వేయలేని స్థితిలో కూటమి ప్రభుత్వం ఉందని చెప్పారు. రెండేళ్ల కాలంలో క్లాస్ ఫోర్ ఉద్యోగులకు ఇళ్లు ఎందుకు పూర్తి చేయలేదని, అమరావతి ఎప్పటికి పూర్తవుతుందో చెప్పడానికి ప్రభుత్వానికి టైమ్ బాండ్ లేదని, గతంలో 2014-19 మధ్య చంద్రబాబు కేవలం 5 శాతం పనులే చేశారని, ఈ రెండేళ్లలో అమరావతిపై ఎంత ఖర్చు చేశారని, ఎంత పని చేశారో శ్వేతపత్రం విడుదల చేయాలని అన్నారు. అమరావతి నిర్మాణంలో చదరపు అడుగుకు 14 వేల రూపాయల ఖర్చుపై అనుమానాలు వస్తున్నాయని అన్నారు. గిరి గీసుకుని అమరావతిని మాత్రమే అభివృద్ధి చేస్తామంటే కుదరదని, వైఎస్సార్సీపీ ప్రభుత్వంలో అమరావతి రైతులకు కౌలు డబ్బులు ఒక్క రోజు కూడా ఆగలేదని, అమరావతి రైతులకు కూటమి ప్రభుత్వం అదనంగా చేసిన మేలు ఏంటో చెప్పాలని నిలదీశారు.