మందు బాబులకు షాకిచ్చిన ఏపీ, తెలంగాణ ప్రభుత్వాలు

ఏపీలోని కూటమి ప్రభుత్వం మద్యం ధరలపై కీలక నిర్ణయం తీసుకుంది. మద్యం ధరలపై 15 శాతం పెంచుతూ రాష్ట్ర ఎక్సైజ్ శాఖ ఉత్తర్వులు జారీ చేసింది. రూ.99కి అమ్మే మద్యం బ్రాండ్లు, బీర్లకు ఈ ధర పెంపు వర్తించదు. మిగతా అన్ని రకాల మద్యంపై పెంచిన ధరలు వర్తిస్తాయి. పెంచిన ధరలు అమల్లోకి వచ్చాయి. ఇక రాష్ట్రంలో మద్యం విక్రయాలపై మార్జిన్ ను ప్రభుత్వం ఇటీవలే 14.5 నుంచి 20 శాతానికి పెంచింది. ఇప్పుడు 15 శాతం ధరల పెంపుతో మందుబాబులకు షాకిచ్చింది. దేశీయ తయారీ ఫారెన్ లిక్కర్, ఫారెన్ లిక్కర్ కేటగిరీ మద్యంపై అడిషనల్ రిటైల్ ఎక్సైజ్ ట్యాక్స్ విధించనున్నారు. తెలుగుదేశం పార్టీ ఎన్నికల ముందు అప్పట్లో అధికారంలో ఉన్న వైఎస్సార్‌సీపీ ప్రభుత్వం విధించిన మద్యం ధరలను తగ్గిస్తామని హామీ ఇచ్చిన సంగతి తెలిసిందే.