Avanthi Srinivas : వెయిటింగ్ లోనే అవంతి.. బెర్త్ దొరుకుతుందన్న ఆశ ఫలించేనా?

ఆయన పార్టీలో చేరాలనుకున్నప్పటికీ ఇప్పటికే విశాఖ ప్రాంతంలో అధికార పార్టీలో నేతలు ఎక్కువ కావడంతో పాటు ఆయనను చేర్చుకుంటే లేనిపోని తలనొప్పులు వస్తాయని భావించి ఏ పార్టీ కూడా ఆయనను దరిచేరనివ్వకపోవడంతోనే సమయం కోసం వెయిట్ చేస్తున్నారంటున్నారు. ఆర్థికంగా, సామాజికవర్గ పరంగా బలమైన నేతగా ఉన్న అవంతి శ్రీనివాస్ జనసేనలో చేరాలనుకున్నప్పటికీ అక్కడ ఎంట్రీ దొరకలేదు. ఇక టీడీపీ నుంచి వైసీపీలోకి వెళ్లడంతో ఆయనను చేర్చుకోవడంపై స్థానిక టీడీపీ నాయకత్వం అభ్యంతరాలు వ్యక్తం చేస్తున్నట్లు సమాచారం. అందుకే అవంతి శ్రీనివాస్ ఇప్పుడు మన టైం బాగాలేదని భావించి రాజకీయాలకు దూరంగా ఉన్నారంటున్నారు.

విశాఖ కార్పొరేటర్ గా ఉన్న తన కుమార్తె ను కూడా వైసీపీ మేయర్ పై అవిశ్వాసం తీర్మానం సందర్భంగా రాజీనామా చేయించారు. అయినా సరే అవంతి శ్రీనివాస్ ను మాత్రం ఎవరూ నమ్మడం లేదు. ఆయన మళ్లీ తమ పార్టీలోకి వస్తే రాజకీయంగా ఇబ్బందులే తప్ప అనవసరమన్న అభిప్రాయానికి వచ్చినట్లుంది.. వైసీపీకి రాజీనామా చేసిన తర్వాత అవంతి శ్రీనివాస్ జనసేనలో చేరేందుకు ప్రయత్నించారట. అయితే అక్కడ నుంచి గ్రీన్ సిగ్నల్ రాలేదని తెలిసింది. అవంతి శ్రీనివాస్ చేరికకు విశాఖ జనసేన నేతలతో పాటు రాష్ట్ర స్థాయి నేతలు కూడా అభ్యంతరం తెలిపారు. దీంతో ఆయన చేరికకు రెడ్ సిగ్నల్ పడటంతో ఇక అవంతి శ్రీనివాస్ ఖాళీగానే కూర్చున్నారు. సమయం వచ్చినప్పుడు వారే పిలుస్తారులే అన్న ధీమాతో ఉన్నారు. వచ్చే ఎన్నికల్లో ఎమ్మెల్యేగా కాకపోయినా మళ్లీ పార్లమెంటు సభ్యుడిగానైనా పోటీకి అవకాశం దక్కుతుందని ఆయన భావిస్తున్నారు. మరి చూడాలి ఏం జరుగుతుందో?