Chandrababu : బిల్ గేట్స్ తో బాబు భేటీ.. సానుకూల స్పందన వచ్చినట్లేనా?

ఈ మేరకు బిల్ గేట్స్ తో తాను సమావేశమయిన విషయాన్ని, 1995లో ఐటీ ఇప్పుడు ఏఐ అంటూ ఎక్స్ లో చంద్రబాబు పోస్టు చేశారు. బిల్ గేట్స్ కు చెందిన సేవాసంస్థలు అమలు చేస్తున్న హెల్త్ డ్యాష్ బోర్డులు, సామజిక సేవలను తమ రాష్ట్రంలో ఏర్పాటు చేయాలని కోరారు. తమ రాష్ట్రాన్ని విద్యలోనూ, వైద్యంలోనూ ఒక హబ్ గా తీర్చిదిద్దేందుకు అవసరమైన సహాయ సహకారాలను అందించాలని చంద్రబాబు బిల్ గేట్స్ ను కోరారు. తర్వాత చంద్రబాబు మాట్లాడుతూ బిల్ గేట్స్ తో సమావేశం సంతృప్తికరంగా ముగిసిందని, ఆర్టిఫిషియల్ ఇంటలిజెన్స్ ఇన్నోవేషన్ పై పరస్పర సహకారాన్ని కోరామని తెలిపారు. రాష్ట్ర పురోగతిలో భాగస్వామి కావాలని కోరామని చెప్పారు. సుదీర్ఘకాలం తర్వాత బిల్ గేట్స్ ను కలవడం తనకు ఎంతో సంతృప్తి నిచ్చిందని చంద్రబాబు తెలిపారు.