అసెంబ్లీలో మళ్లీ రగడ... దళితుడిగా దూషించారంటూ?

అసెంబ్లీ సమావేశాలు మళ్లీ ప్రారంభమయ్యాయి. అయితే టీడీపీ సభ్యుడు బాలవీరాంజనేయ స్వామి తనను కులం పేరుతో దూషించారంటూ ఫోన్ లో వీడియోను చూపే ప్రయత్నం చేశారు. తనను దూషించనట్లు నిరూపించకపోతే తాను రాజీనామా చేస్తానని అన్నారు. తన పుట్టుక గురించి ఎలా మాట్లాడతారని ఆయన ప్రశ్నించారు. మరొక అంబేద్కర్ వస్తేకాని ఈ శాసనసభలో దళితులకు రక్షణ లేదన్నారు. వెంటనే మంత్రిని బర్తరఫ్ చేయాలని ఆయన డిమాండ్ చేశారు. అయితే ఇందుకు స్పీకర్ అభ్యంతరం తెలిపారు. తనను కులం పేరుతో దూషించారంటూ మంత్రి మేరుగ నాగార్జునపై ఆరోపణ చేశారు. అయితే తాను తప్పుగా ఏం మాట్లాడలేదని మంత్రి మేరుగ నాగార్జున వివరణ ఇచ్చారు.