జగన్ సర్కార్ కు రిలీఫ్

ప్రాధమిక దశలోనే విచారణను అడ్డుకోవడం సరికాదని సుప్రీంకోర్టు ధర్మాసనం అభిప్రాయపడింది. గత ప్రభుత్వ నిర్ణయాలపై సమీక్ష చేయడం తప్పెలా అవుతుందని ప్రశ్నించింది. సుప్రీంకోర్టు తీర్పుతో అమరావతి రాజధాని భూమి కుంభకోణం వ్యవహారాలపై సిట్ ఇక విచారణ జరిపేందుకు వీలు కలుగుతుంది. వేలాది ఎకరాలు తమకు అనుకూలురైన వారికి గత ప్రభుత్వ నేతలు కట్టబెట్టారని, ముందుగానే రాజధాని నిర్ణయించుకుని భూములను తక్కువ ధరకు సొంతం చేసుకోవడంతో పాటు అసైన్ మెంట్ ల్యాండ్ లను కూడా నియమ నిబంధనలకు విరుద్ధంగా కొందరు కొనుగోలు చేశారని రాష్ట్ర ప్రభుత్వం ఆరోపిస్తున్న నేపథ్యంలో సుప్రీంకోర్టు తాజా తీర్పుతో కొంత ఊరట లభించినట్లయింది.