మరో చిరుత దొరికేసింది.. ఆ ప్రాంతంలోనే

తిరుమలలో భక్తులను చిరుతలు టెన్షన్ పెడుతున్న సంగతి తెలిసిందే..! దీంతో వాటిని బంధించడానికి అధికారులు ప్రయత్నాలు మొదలుపెట్టారు. వారి ప్రయత్నాలు ఫలిస్తున్నాయి. తాజాగా మరో చిరుత బోనులో చిక్కింది. అలిపిరి కాలి నడక మార్గంలో ఏడో మైలు వద్ద ఏర్పాటు చేసిన బోనులో చిరుత చిక్కినట్టు అధికారులు తాజాగా తెలిపారు. చిరుతలు బంధించేందుకు అధికారులు కొన్ని రోజులుగా విస్తృత ప్రయత్నాలు చేస్తున్నారు. చిరుత పలుమార్లు బోను వరకూ వచ్చి వెళ్లినట్టు కూడా సీసీటీవీ కెమెరాల్లో కనిపించింది. ఆదివారం రాత్రి ఈ చిరుత బోనులో చిక్కింది. ఇప్పటివరకూ మొత్తం నాలుగు చిరుతలు పట్టుకున్నారు అధికారులు.