గర్జన చేసేందుకు సిగ్గుందా?

వికేంద్రీకరణ పై ప్రజలను మోసం చేయడానికి విశాఖ గర్జన చేస్తున్నారని వంగలపూడి అనిత అన్నారు. బిల్లు కాకుండా మూడు రాజధానులు ఎలా అవుతాయని ఆమె ప్రశ్నించారు. ఈ మూడేళ్లలో విశాఖను ఏం అభివృద్ధి చేశారని ప్రశ్నించారు. విశాఖలో చిన్న ఇటుక ముక్క కూడా వేయకుండా తాకట్టు పెట్టేస్తున్నారన్నారు. విశాఖపట్నంలోని 100 ఎకరాల ప్రభుత్వ భూమిని తాకట్టు పెట్టేశారన్నారు. ఏ మొహంతో గర్జన పెడుతున్నారని వంగలపూడి అనిత ప్రశ్నించారు. విశాఖ రైల్వే జోన్ ఏమయిందని ఆమె నిలదీశారు. రైల్వే జోన్ గురించి గర్జన పెట్టకుండా చట్టమే లేని పరిపాలన రాజధాని కోసం ఎందుకు పెడుతున్నారన్నారు.