ఏపీలో మొదలైన సీప్లేన్ సర్వీసులు

సీఎం చంద్రబాబు నాయుడు శనివారం విజయవాడలోని ప్రకాశం బ్యారేజీ నుంచి నంద్యాల జిల్లా శ్రీశైలం వరకు సీప్లేన్ డెమో ఫ్లైట్ ఆపరేషన్‌ను ప్రారంభించారు. విజయవాడలోని కృష్ణానదిపై పున్నమి ఘాట్‌లో డెమో ఫ్లైట్‌ను ప్రారంభించిన అనంతరం ఏర్పాటు చేసిన సమావేశంలో ఆయన మాట్లాడుతూ ఇదొక కొత్త ప్రయోగమని అన్నారు. దేశంలో కొత్తగా ఏదైనా జరిగితే అమరావతిలో జరగాలనే నినాదంతో ముందుకు వెళ్తున్నామన్నారు చంద్రబాబు. సీప్లేన్ కార్యకలాపాలను ప్రోత్సహించడానికి ప్రధాని నరేంద్ర మోడీ కూడా ముందుకు వచ్చారని తెలిపారు చంద్రబాబు.

ఆంధ్రప్రదేశ్‌లో కొత్త అధ్యాయం ప్రారంభమవుతోందని, సీప్లేన్ ఆపరేషన్లు రాష్ట్ర భవిష్యత్తునే కాకుండా భారతదేశాన్ని కూడా మారుస్తాయని కేంద్ర మంత్రి రామ్మోహన్ నాయుడు అన్నారు. సీప్లేన్ ఆపరేషన్‌లను ముందుగా ప్రయత్నించినప్పటికీ, కోవిడ్, ఇతర కారణాల వల్ల అవి టేకాఫ్ కాలేదని అన్నారు.