రోగులు మరణిస్తే ఎవరు బాధ్యులు...? హెల్త్ ఉద్యోగుల సమావేశం

ఒకవేళ ఫిబ్రవరి ఏడో తేదీ నుంచి మిగిలిన ఉద్యోగులతో పాటు సమ్మెలోకి వెళితే అత్యవసర సేవలు అందక రోగులు మరణిస్తే ఆ నెపాన్ని తమపై నెడతారని భావిస్తున్నారు. అందుకే ఆచితూచి నిర్ణయం తీసుకోవాలని ఈ సమావేశాన్ని ఏర్పాటు చేసుకున్నారు. మిగిలిన శాఖ ఉద్యోగులు సమ్మె చేస్తే ప్రజలకు పెద్దగా ఇబ్బంది ఉండదు. కానీ వైద్య ఆరోగ్యశాఖ సిబ్బంది సమ్మెలోకి దిగితే తొలుత ఇబ్బంది పడేది ప్రజలే. ఎస్మాను కూడా తొలుత ఈ శాఖ మీదనే ప్రభుత్వం ప్రయోగిస్తుంది. అందుకే ఏడో తేదీ కాకుండా దశల వారీగా ఉద్యమ కార్యాచరణను రూపొందించాలని ఈ సమావేశంలో నిర్ణయించున్నారు. కార్యాచరణను ప్రకటించనున్నారు.