Anna Datha Sukhibhava : ఈ నెలలోనే రైతులకు గుడ్ న్యూస్.. వారి ఖాతాలో డబ్బులు పడటం ఖాయమట

అయితే ఆంధ్రప్రదేశ్ లో ఏర్పడిన కూటమి ప్రభుత్వం కూడా కేంద్ర ప్రభుత్వం ఇచ్చే డబ్బులతో రాష్ట్ర ప్రభుత్వం నిధులను జత చేసి చెల్లించాలని భావిస్తుంది. ఈ మేరకు చంద్రబాబు గతంలో ప్రకటించారు. రైతులకు కూటమి ప్రభుత్వం అధికారంలోకి వస్తే అన్నదాత సుఖీభవ పథకం కింద 20 వేల రూపాయల నిధులు ఇస్తామని ఎన్నికల సందర్భంగా హామీ ఇచ్చారు. అయితే ప్రస్తుతం ఖాజానాలో ఉన్న ఆర్థిక పరిస్థితుల దృష్ట్యా కేంద్ర ప్రభుత్వం తరహాలోనే మూడు విడతలుగా ఇవ్వాలని చంద్రబాబు నిర్ణయించారు. అయితే వచ్చే బడ్జెట్ లో అన్నదాత సుఖీ భవ పథకానికి నిధులు కేటాయించాలని భావించారు. కానీ ఈలోగా కేంద్ర ప్రభుత్వం నిధులు విడుదల చేస్తుండటంతో రాష్ట్ర ప్రభుత్వం కూడా ఇచ్చేందుకు సిద్ధమయినట్లు వార్తలు వస్తున్నాయి.

ఇరవై వేల రూపాయలంటే మూడు విడతలుగా మొదటి రెండు రెండు విడతలు నాలుగు వేలు, చివరి విడత ఆరువేల రూపాయలు ఇవ్వాలని ఏపీ ప్రభుత్వం ప్రాధమికంగా నిర్ణయించినట్లు సమాచారం. ఏడాదికి రైతులకు పెట్టుబడి సాయం కింద కేంద్ర ప్రభుత్వం నుంచి ఆరువేల రూపాయలు ఇస్తే, తాము మూడు విడతలుగా పథ్నాలుగు వేల రూపాయలు ఇవ్వాలని నిర్ణయించినట్లు సమాచారం. అందుకే ఫిబ్రవరిర 24వ తేదీన కేంద్ర ప్రభుత్వం ఇచ్చే రెండు వేల రూపాయలకు మరో నాలుగు వేల రూపాయలు కలిపి ఇవ్వాలని చంద్రబాబు అధికారులతో చర్చించినట్లు తెలిసింది. ఇందుకు అర్హులైన లబ్దిదారుల జాబితాను సిద్ధం చేయాలని కూడా అధికారులను ఆదేశించినట్లు తెలిసింది. కేంద్ర ప్రభుత్వం ఇచ్చే వారికే ఇవ్వాలన్నది ప్రాధమికంగా నిర్ణయించినట్లు సమాచారం.