Andhra Pradesh : ఏపీలో కొత్త జిల్లాలివే.. అందులో నియోజకవర్గాలివే

అనుకున్న మేరకు కూటమి ప్రభుత్వం అధికారంలోకి వచ్చిన తర్వాత కొత్త జిల్లాల ప్రతిపాదనను రూపొందించాలని నిర్ణయించింది. ఈ మేరకు చంద్రబాబు నాయుడు మంత్రివర్గ సభ్యులతో కమిటీని కూడా నియమించారు. త్వరలో ప్రతిపాదనలను పంపాలని కూడా కోరారు. స్థానిక పరిస్థితులు, సెంటిమెంట్, దూరం వంటి విషయాలను పరిగణనలోకి తీసుకుని జిల్లా కేంద్రాలతో పాటు కొత్త జిల్లాల్లో ఉండే నియోజకవర్గాలతో కూడిన ప్రతిపాదనలను రూపొందించాలని మంత్రి వర్గ సభ్యలను ముఖ్యమంత్రి చంద్రబాబు నాయుడు ఆదేశించారు.

ఈ మేరకు మంత్రి వర్గ సభ్యులు, అధికారులు కొత్త జిల్లాల ఏర్పాటుపై ప్రతిపాదనలను రూపొందించినట్లు తెలిసింది. ఇందులో జిల్లా పేర్లను కూడా మారుస్తున్నారు. అలాగే జిల్లా కేంద్రాలను కూడా ఛేంజ్ చేసే అవకాశముంది. అయితే తాజాగా ప్రతిపాదిత కొత్త జిల్లాల పేర్లు, జిల్లా కేంద్రాలు, అందులో ఉండే నియోజకవర్గాల గురించి అందుతున్న సమాచారం మేరకు ఇలా ఉండే అవకాశముందని అధికారవర్గాలు చెబుతున్నాయి. అందరూ అంగీకరిస్తే వీటిని ఏపీ ప్రభుత్వం మంత్రి వర్గ సమావేశంలో చర్చించి ఆమోదించే అవకాశముంది. గత ప్రభుత్వం ఇరవై ఆరు జిల్లాలు ఏర్పాటు చేస్తే ప్రస్తుత ప్రభుత్వం ప్రతిపాదనలు మొత్తం 32 జిల్లాలను ఏర్పాటు చేయనున్నట్లు సమాచారం.