Chandrababu : క్లేమోర్ మైన్స్ నన్ను ఏం చేయలేకపోయాయి... వీళ్లేం చేస్తారు?

రాయలసీమ ప్రాజెక్టులకు పన్నెండు వేల కోట్లకు పైగా ఖర్చు పెట్టిన పార్టీ టీడీపీ అన్న చంద్రబాబు వైసీపీ ఐదేళ్లు అధికారంలో ఉండి కనీసం రూ. 2 వేల కోట్లు కూడా ఖర్చు పెట్టలేదన్నారు. రాయలసీమ అంటూ సెంటిమెంట్ వైసీపీ రెచ్చగొడుతుందని, కులాల మధ్య చిచ్చు పెడుతుందని చంద్రబాబు ధ్వజమెత్తారు.. మాటలు చెప్పడం ఈజీ.. కానీ పని చేయడం చాలా కష్టమని, హంద్రీ-నీవాపై వైసీపీ ఒక్క రూపాయి అయినా ఖర్చు పెట్టిందా..? అని చంద్రబాబు ప్రశ్నించారు. కుప్పంలో పెద్ద డ్రామా వేశారని, కాల్వల్లో నీళ్లు లేవని, ట్యాంకర్లతో నీళ్లు తెచ్చి డమ్మి గేట్లు పెట్టి.. నీళ్లిచ్చామన్నారన్నారు. అలాంటి డ్రామాలు ప్రజలకు అవసరమా..? అని నిలదీశారు. క్లేమోర్ మైన్స్ కూడా నన్ను ఏమి చేయలేకపోయాయని, వీళ్ళు ఏం చేస్తారని అన్నారు.