అన్నదాత సుఖీభవ పథకంపై అమలుపై చంద్రబాబు సమీక్ష

ఈ పథకం కింద ఏడాదికి రైతుకు 20,000 రూపాయల నగదును మూడు విడతలుగా ప్రభుత్వం ఇవ్వనుంది. మొదటి విడతలో రాష్ట్రం వాటా 5,000 రూపాయలు కేంద్రం వాటా రెండు వేల రూపాయల చొప్పున ఆగస్ట్ 2వ తేదీన విడుదల చేయనుంది. రాష్ట్రంలోని 46,85,838 మంది రైతులకు ‘అన్నదాత సుఖీభవ’తో లబ్ది పొందుతారని చెప్పింది. ఇందుకోసం 2,342.92 కోట్ల నిధులను రాష్ట్ర ప్రభుత్వం కేటాయించింది. పీఎం కిసాన్‌ మొదటి విడత కింద 831.51 కోట్ల రూపాయల రైతుల ఖాతాలో కేంద్ర ప్రభుత్వం జమచేయనుంది. ఆగస్ట్ 2న ప్రకాశం జిల్లా దర్శిలో ‘అన్నదాత సుఖీభవ’ పథకాన్ని ముఖ్యమంత్రి చంద్రబాబు ప్రారంభించనున్నారు.