Andhra Pradesh : నేడు ఏపీ కేబినెట్ భేటీ

వివిధ రంగాల్లో పెట్టుబడులు ఆకర్షించేలా రూపొందించిన నూతన పాలసీపై మంత్రి వర్గ సమావేశంలో చర్చించనునున్నారు. మొత్తం పది శాఖల్లో నూతన విధానాలను సిద్ధం చేశారని, చంద్రబాబు నాయుడు వరస సమీక్షలు నిర్వహించి పాలసీలు రూపొందించడంలో దిశానిర్దేశం చేశారని అధికారులు తెలిపారు. స్పీడ్ ఆఫ్ డూయింగ్ బిజినెస్ విధానాన్ని అమలులోకి తెచ్చేలా కొత్త పాలసీ రూపకల్పనపై మంత్రి వర్గ సమావేశంలో చర్చించనున్నట్లు తెలిసింది. దీంతో పాటు ప్రస్తుతం తుపాను ఎఫెక్ట్ అయ్యే జిల్లాల్లో ఇప్పటికే కోటి రూపాయల నిధులు కేటాయించారు. ఆ జిల్లాల్లో రేపు తుపాను తీరం దాటే అవకాశం ఉంది కనుక ఎలాంటి చర్యలు తీసుకోవాలన్న దానిపై కూడా కేబినెట్ లో చర్చకు వచ్చే అవకాశముంది.