Andhra Pradesh : కూటమి సర్కార్ కీలక నిర్ణయం.. ఇక ఫీజు రీఎంబర్స్ మెంట్ చెల్లింపులో కొత్త విధానం?

గత ప్రభుత్వం ఫీజు రీఎంబర్స్ మెంట్ ఫీజు విషయంలో తీసుకున్న నిర్ణయాలను సమీక్ష చేసి మార్పులు, చేర్పులు చేయనుంది. కూటమి ప్రభుత్వం అధికారంలోకి వచ్చిన తర్వాత ఫేషియల్ రికగ్నిషన్ ద్వారా హాజరును మాత్రమే పరిగణనలోకి తీసుకునే ఛాన్సెస్ ఉంటాయి. ఫేషియల్ రికగ్నేషన్ ద్వారా హాజరును బట్టి ఫీజు రీఎంబర్స్ మెంట్ చెల్లింపు జరగనుందని తెలిసింది. దీనివల్ల పారదర్శకత కాకుండా విద్యార్ధుల హాజరు శాతం ఖచ్చితంగా ఉంటాయని ప్రభుత్వం భావించి ఈ నిర్ణయాలు తీసుకుందని తెలిసింది.

ఇక తల్లుల ఖాతాల్లో కాకుండా పీజు రీఎంబర్స్ మెంట్ కు సంబంధించిన నిధులను నేరుగా కళాశాల యాజమాన్యాలకు చెల్లించే అవకాశాలున్నాయి. కాలేజీ యాజమాన్యం ఖాతాల్లో జమ చేస్తే నిధులు దుర్వినియోగం అయ్యే అవకాశాలు తక్కువగా ఉన్నాయని ప్రభుత్వం అంచనా వేస్తుంది. కళాశాలల యాజమాన్యం కూడా ఫీజుల విషయంలో విద్యార్థులను వేధించే అవకాశముండదని కూడా అంచనా వేస్తున్నారు. కమిటీ ఇచ్చిన నివేదిక ను బట్టి మరికొన్ని కీలక నిర్ణయాలు తీసుకునే అవకాశముంది. మరి కొద్ది రోజుల్లో ప్రభుత్వానికి నివేదిక ఇచ్చిన వెంటనే ప్రభుత్వం ఫీజు రీఎంబర్స్ మెంట్ నిధులపై స్పష్టమైన ప్రకటన అధికారికంగా ప్రకటన చేయనుంది.