ఏపీని భయపెడుతున్న మండూస్

మండూస్ తుపాను ఈ నెల 9న తమిళనాడులోని మహాబలిపురం సమీపంలో తీరం దాటే అవకాశముందని పేర్కొన్నారు. ఈ ప్రభావంతో 8,9,10 తేదీలలో ఆంధ్రప్రదేశ్ లోని చిత్తూరు, నెల్లూరు, కడప, అనంతపురం, ప్రకాశం జిల్లాల్లో భారీ వర్షాలు కురిసే అవకాశముందని పేర్కొంది. ఈ ఐదు జిల్లాల్లో అప్రమత్తంగా ఉండాలని అధికారులను ఆదేశించింది. భారీ నుంచి అతి భారీ వర్షాలు కురిసే అవకాశముందని, మిగిలిన జిల్లాల్లో తేలికపాటి జల్లులు కురిసే అవకాశముందని పేర్కొంది. గంటకు యాభై నుంచి అరవై కిలోమీటర్ల మేర వేగంతో గాలులు వీచే అవకాశముందని తెలిపింది. మత్స్యకారులు ఈ నెల 10 వరకూ చేపలవేటకు వెళ్లొద్దని సూచించింది.