రాష్ట్రం ఒక జంగిల్ రాజ్ గా మారింది : వైఎస్ జగన్

రాష్ట్రం ఒక జంగిల్‌ రాజ్‌ గా మారిందని వైసీపీ అధినేత వైఎస్ జగన్ అన్నారు. భీమవరం నియోజకవర్గం నేతలతో ఆయన మాట్లాడారు. కూటమి ప్రభుత్వంలో ఆటవిక రాజ్యం ఉందని అన్నారు. విచ్చలవిడితనం, హద్దులేని బరితెగింపులు నిత్యకృత్యమయిందని అన్నారు. అన్ని వ్యవస్థలూ దారుణంగా నిర్వీర్యం చేశారని జగన్ అన్నారు. రాష్ట్రంలో విద్య, వైద్య, వ్యవసాయ రంగాలు పతనం అయ్యాయన్న జగన్ యథేచ్ఛగా రెడ్‌బుక్‌ రాజ్యాంగం అమలవుతుందని అన్నారు. అడ్డగోలుగా అక్రమ కేసులు, అరెస్టుల పర్వం కొనసాగుతుందని జగన్‌ ధ్వజమెత్తారు. చంద్రబాబు అన్యాయమైన పాలనను ఎండగట్టాలని, ఆ దిశలో కార్యకర్తలు కలిసికట్టుగా పని చేయాలని, మన పాలన, చంద్రబాబు పాలన మధ్య తేడా చెప్పాలన్నారు.