భర్తను చంపేసి.. రాత్రంతా పోర్న్ వీడియోలు చూస్తూ..?

గుంటూరు జిల్లా దుగ్గిరాల మండలం కు చెందిన శివనాగరాజుకి భార్య లక్ష్మీమాధురికి 2007 లో పెళ్లయింది. వీరికి ఇద్దరు పిల్లలున్నారు. అయితే మాధురి గతంలో విజయవాడలో ఒక సినిమా థియేటర్ లో టిక్కెట్ కౌంటర్ లో పనిచేసేది. ఆ సమయంలో సత్తెనపల్లికి చెందిన గోపితో పరిచయం వివాహేతర సంబంధానికి దారి తీసింది. అప్పటి నుంచి వారిద్దరి మధ్య వివాహేతర సంబంధం కొనసాగుతుంది. అయితే భర్తను హైదరాబాద్ లో ట్రావెల్స్ వ్యాపారం చేస్తున్న గోపి వద్దకు ఉపాధి నిమిత్తం పంపింది. అయితే శివనాగరాజు అక్కడ ఉండకుండా తిరిగి ఇంటికి వచ్చి వ్యాపారం చేసుకుంటున్నాడు.

అయితే తన వివాహేతర సంబంధానికి అడ్డుగా ఉన్న భర్త శివనాగరాజును హతమార్చడానికి మాధురి ప్లాన్ చేసింది. బిర్యానీలో ఇరవై నిద్రమాత్రల పొడి కలిపి పెట్టింది. భర్త స్పృహ కోల్పోయాక ప్రియుడు గోపితో కలిసి దిండుతో ఊపిరాడకుండా చేసి హత్య చేసింది. గుండెపోటుతో మరణించాడని నమ్మబలికింది. చెవిలో రక్తం కనిపించడంతో పోలీసులకు అనుమానం వచ్చింది. మృతదేహం వద్ద పోర్న్ వీడియోలు చూస్తున్న బంధువులకు కూడా అనుమానం వచ్చి పోలీసులకు సమాచారం ఇచ్చారు. దీంతో పోలీసులు మాధురి, గోపిలను అదుపులోకి తీసుకుని విచారిస్తున్నారు. కేసు నమోదు చేసుకుని దర్యాప్తు చేస్తున్నారు.