పాక్ ఆటగాళ్లకు వైరల్ ఫీవర్.. ఆస్ట్రేలియాతో మ్యాచ్‌కు

బెంగళూరుకు చేరుకున్న పాకిస్థాన్ జట్టు ఆటగాళ్లలో ఎక్కువ మందికి వైరల్ ఫీవర్ సోకిందని పాకిస్థాన్ క్రికెట్ కంట్రోల్ బోర్డు తెలిపింది. అయితే వీరిలో కొందరు కోలుకున్నారని, మరికొందరు ఇంకా వైరల్ ఫీవర్‌తో బాధపడుతున్నారని పేర్కొంది. ఆస్ట్రేలియాతో సమరం అంటే మామూలు విషయం కాదు. అందుకే జట్టు అంతా పాల్గొనాలన్నది ఆ జట్టు ఫ్యాన్స్ అభిమతం. అయితే ఇందులో కొందరు వైరల్ ఫీవర్ తో దూరమయ్యే అవకాశాలు కనిపిస్తున్నాయి. అయితే ఎవరు అనేది మాత్రం ఇంకా తెలియరాలేదు. మొత్తం మీద పాకిస్థాన్ జట్టు వైరల్ ఫీవర్ తో బాధపడుతుండటం కొంత ఇబ్బందికరంగా మారింది. ప్రాక్టీస్ సెషన్ ను కూడా గంటకు కుదించడంతో అభిమానులు ఆందోళన చెందుతున్నారు.