World Cup 2023 : దాయాది దేశానికి షాక్ కాక మరేంటి? ఇంతటి రన్ రేటా?

ఆ రన్ రేట్ సాధించాలంటే పాకిస్థాన్ కు కష్టమే. పాకిస్థాన్ కూడా ఇంగ్లండ్ తో మ్యాచ్ ఆడాల్సి ఉంది. ఇంగ్లండ్ కూడా ఈ వరల్డ్ కప్ లో పెద్దగా ప్రభావం చూపించకపోవడం, సెమీఫైనల్స్ రేసు నుంచి తప్పుకోవడంతో పాకిస్థాన్ తాము గెలిచి సెమీఫైనల్స్ లోకి అడుగు పెడతామని అనుకుంది. అయితే న్యూజిలాండ్ ఇంత భారీగా విజయాన్ని నమోదు చేయడంతో పాకిస్థాన్ ఆశలు సన్నగిల్లాయి. పాకిస్థాన్ ఇంగ్లండ్ తో ఇంత భారీ విజయాన్ని నమోదు చేయడం కష్టంగానే మారనుందన్న అంచనాలు వినపడుతున్నాయి.

ఇంగ్లండ్ ను తక్కువ చేసి చూడటానికి వీలులేదు. ఆ టీంలో కూడా తక్కువ పరుగులకు అవుట్ అయ్యే వారు లేరు. అలాగని రన్ రేట్ విషయంలోనూ పాకిస్థాన్ కు ఆ ఛాన్స్ ఇస్తారన్న నమ్మకం లేదు. అయితే క్రికెట్ కదా? ఏదైనా జరగొచ్చు. ప్రస్తుతానికి అయితే న్యూజిలాండ్ సెమీఫైనల్స్ కు దాదాపు చేరినట్లేనని క్రీడా విశ్లేషకులు చెబుతున్నారు. అదే జరిగితే ముంబయి వాంఖడే స్టేడియంలో భారత్ తో న్యూజిలాండ్ తో సెమీ ఫైనల్స్ తలపడుతుందని కూడా అంటున్నారు. చూడాలి మరి ఏం జరుగుతుందో.