యువ మ్యూజిక్ డైరెక్టర్ అనురాగ్ వినీల్ ఆత్మహత్యకు పాల్పడ్డారు. నాగోల్ మమతానగర్ లోని ఇంట్లో ఆయన బలవన్మరణానికి పాల్పడ్డారు. ఆత్మహత్యకు గల కారణాలు ఇంకా వెలుగులోకి రాలేదు. ఈ సంఘటన ఆలస్యంగా వెలుగులోకి వచ్చింది. వినీల్ పలు ప్రైవేటు ఆల్బమ్ లకు సంగీతాన్ని అందించారు. ప్రైవేటు అల్బమ్ లలో ఆయన మ్యూజిక్ అందించిన నీలాకాశం, వందేమాతరం, ఓ చెలియా అనే ఆకట్టుకున్నాయి. చిత్రాల్లో అవకాశాల కోసం వినీల్ కొంతకాలంగా ప్రయత్నిస్తున్నారు. చిత్రాల్లో అవకాశం దొరకక ఆత్మహత్య చేసుకున్నాడని కొందరు అనుమానిస్తుండగా, వినీల్ కొంతకాలంగా డ్రగ్స్ కి బానిసైనట్లు చుట్టుపక్కల వారు చెబుతున్నారు. పోలీసులు ఆత్మహత్యకు గల కారణాలను తెలుసుకునేందుకు ప్రయత్నిస్తున్నారు.