వైసీపీ అధినేత జగన్ ఆటోవాలా అవతారమెత్తాడు. పశ్చిమగోదావరి జిల్లాలో ప్రజాసంకల్ప పాదయాత్ర చేస్తున్న జగన్ ను ఆటోవాలాలు కలిశారు. తమ సమస్యలను జగన్ కు వివరించారు. డీజల్, పెట్రోల్ రేట్లు పెరుగుతుండటంపై ఆందోళన వ్యక్తం చేశారు. ఈ సందర్భంగా జగన్ వారికి వైసీపీ అధికారంలోకి వస్తే ఆటో డ్రైవర్లకు ఏడాదికి పదివేలు ఇస్తామని హామీ ఇచ్చారు. ఈ సందర్భంగా జగన్ ఆటోవాలా వేసుకునే యూనిఫాం వేసుకున్నారు. కొద్దిదూరం ఆటోనడిపారు. జగన్ యూనిఫాం వేసుకుని ఆటో నడుపుతున్న ఫొటోలు సోషల్ మీడియాలో వైరల్ అయ్యాయి.