ఓ పాస్ పోర్టు అధికారిని బదిలీ చేసి సోషల్ మీడియాతో తీవ్ర విమర్శలు ఎదుర్కొంటున్న సుష్మా స్వరాజ్ కి ఓ నెటిజన్ మరింత కోపం తెప్పించింది. ఇటీవల భిన్న మతాలకు చెందిన దంపతులకు లఖ్నోలో ఓ పాస్ పోర్టు అధికారి పాస్ పోర్టులు ఇవ్వడానికి నిరాకరించాడు. వారితో అనుచితంగా ప్రవర్తించాడు. దీంతో వారు విషయాన్ని సుష్మా దృష్టికి తీసుకెళ్లగా ఆమె వెంటనే స్పందించి సదరు అధికారిని బదిలీ చేశారు. దీంతో కొందరు నెటిజన్లు ఆమెపై విమర్శలు చేస్తున్నారు. ఈ నేపథ్యంలోనే తాజాగా సోనమ్ మహజన్ అనే మహిళ...సుష్మను ఉద్దేశించి ‘ నేను ఇంతకుముందు మీ అభిమానిని.. కానీ ఇప్పుడు మాత్రం కాదు. దయచేసి నన్ను మీ ఖాతా నుంచి బ్లాక్ చెయ్యండి’ అని ట్వీట్ చేసింది. దీంతో సుష్మకు చిర్రెత్తి..ఇంకెందుకు ఆలస్యం..మిమ్మల్ని బ్లాక్ చేస్తున్నాను అని ట్వీట్ చేసి బ్లాక్ చేసేసింది.