ప్రభాస్ సినిమాలో ఛాన్స్ కొట్టేసిన 'పెళ్లి సందD' బ్యూటీ!

గతేడాది తెలుగు తెరకి పరిచయమైన కొత్త హీరోయిన్లలో శ్రీలీల ఒకరు. 'పెళ్లి సందD' సినిమాతో టాలీవుడ్ లో ఎంట్రీ ఇచ్చిన ఈ అమ్మడు.. మొదటి సినిమాతోనే తన అభినయంతో ప్రేక్షకుల మనసుల్ని దోచుకుంది. స్టెప్పులతో కుర్రకారుకు పిచ్చెక్కించింది. సినిమా హిట్టా.. ఫట్టా అన్న విషయం పక్కనపెడితే.. తన క్యారెక్టర్ పరిధిలో నటించి శ్రీలీల మంచి మార్కులు కొట్టేసింది. ప్రస్తుతం ఈ అందాల సుందరి స్టార్ హీరో రవితేజ సరసన ధమాకా సినిమాలో నటిస్తోంది. రెండో సినిమానే స్టార్ హీరో పక్కన చేయడం అంటే విశేషమే.