Andhra Pradesh : సర్ణాంధ్ర దిశగా ఏపీని తీర్చిదిద్దుతున్నాం

ఆంధ్రప్రదేశ్ లో కూటమి ప్రభుత్వం అధికారంలోకి వచ్చిన తర్వాత రాష్ట్రాన్ని అభివృద్ధి పథంలో దూసుకు పోతున్నామని గవర్నర్ అబ్దుల్ నజీర్ తెలిపారు. అమరావతిలో తొలిసారి గణతంత్ర దినోత్సవ వేడుకలు జరిగాయి. ఈ కార్యక్రమంలో తొలుత గవర్నర్ అబ్దుల్ నజీర్ జాతీయ పతాకాన్ని ఆవిష్కరించారు. ఈ కార్యక్రమానికి ముఖ్యమంత్రి చంద్రబాబు, ఉప ముఖ్యమంత్రి పవన్ కల్యాణ్ తో పాటు మంత్రులు, ఉన్నతాధికారులు పాల్గొన్నారు. కూటమి ప్రభుత్వం అధికారంలోకి వచ్చిన తర్వాత అనేక సంక్షేమ పథకాలను అమలులోకి తెచ్చామని చెప్పారు. సూపర్ సిక్స్ హామీలను అమలు చేశామని తెలిపారు. సర్ణాంధ్ర దిశగా ఏపీని తీర్చిదిద్దుతున్నామని అబ్దుల్ నజీర్ తెలిపారు. పేదలను సంపన్నులుగా మార్చడానికి పీ4 పథకాన్ని తెచ్చామని చెప్పారు.