Andhra Pradesh : అమరావతిలో భూసేకకరణకు నిర్ణయం

అర్బన్ డిజైన్ అండ్ ఆర్కిటెక్చరల్ గైడెన్స్ కోసం నోటిఫికేషన్ ఇచ్చేందుకు సీఆర్డీఏ సమావేశం ఆమోదం తెలిపింది. రెవెన్యూ, సర్వే సెటిల్మెంట్ శాఖల నుంచి 138 మంది ఉద్యోగులను డిప్యూటీషన్ పై తీసుకునేందుకు ఆమోదం చెప్పింది. ల్యాండ్ పూలింగ్ ద్వారా భూములు ఇవ్వని అతి కొద్దిమంది రైతుల భూములను భూసేకరణ ద్వారా తీసుకోవాలని నిర్ణయించింది. రైతులను ఇబ్బంది పెట్టకూడదనేది ప్రభుత్వ నిర్ణయమని, ఇప్పటికీ ల్యాండ్ పూలింగ్ కు రైతులు ముందుకొస్తే తీసుకుంటామని, దాదాపు 1800 ఎకరాలు భూసేకరణ ద్వారా తీసుకునేందుకు సీఆర్డీఏకు అనుమతి ఇస్తూ సమావేశం నిర్ణయం తీసుకుంది. ల్యాండ్ పూలింగ్ కు రావాలని మరోసారి రైతులను కోరుతున్నానని, భూసేకరణ కంటే భూసమీకరణ అయితేనే రైతులకు లబ్ది జరుగుతుందని, భూములు ఇవ్వకపోవడం తో కీలక ప్రాజెక్టుల నిర్మాణానికి ఇబ్బందులు వస్తున్నాయని తెలిపారు.