Chandrababu : నేడు ముఖ్యమంత్రి చంద్రబాబు కీలక సమావేశం

ఈరోజు ఆంధ్రప్రదేశ్ ముఖ్యమంత్రి చంద్రబాబు కీలక సమావేశం నిర్వహించనున్నారు. అన్ని శాఖల కార్యదర్శులు, మంత్రులతో ముఖ్యమంత్రి సమావేశం కానున్నారు. కలెక్టర్లు, ఎస్పీలు వర్చువల్‌గా పాల్గొననున్నారు. జీడీపీ వృద్ధిరేటు, ఆర్టీజీఎస్, పీపీపీ ప్రాజెక్టుల పురోగతితో పాటు స్వర్ణాంధ్ర విజన్‌ 2047, లా అండ్‌ ఆర్డర్‌పై సమీక్ష నిర్వహించనున్నారు. సచివాలయంలోని 5వ బ్లాక్ లోని మొదటి అంతస్తులోని కాన్ఫరెన్స్ హాలులో ఇవాళ ఉదయం 10.30 నిమిషాలకు సమావేశం ఆరంభం కానుంది. జీఎస్డీపీ, స్వర్ణాంధ్ర 2047 విజన్ లక్ష్యాలు, పది సూత్రాలపై చర్చిస్తారు. ఆదాయార్జన శాఖలు, కేంద్ర ప్రాయోజిత పథకాలు, పీపీపీ ప్రాజెక్టుల పురోగతిపై సమీక్షజరిపి అధికారులకు దిశానిర్దేశం చేయనున్నారు.