Chandrababu : హైదరాబాద్ లో ఫైనాన్షియల్ డిస్ట్రిక్ట్.. ఇక్కడ ఆర్థిక నగరం

ఆర్థిక మంత్రి నిర్మలా సీతారామన్ సామర్థ్యం, ప్రధాని మోదీ నేతృత్వంలో మరో ఏడాదిలో ప్రపంచంలోనే నెంబరు వన్ గా అవతరిస్తుందన్న నమ్మకం తనకు ఉందని చంద్రబాబు అన్నారు. ఒకేసారి పదిహేను బ్యాంకులు, ఆర్థిక సంస్థలను ఏర్పాటు చేయడంతోనే అమరావతికి ప్రపంచ స్థాయిలోనే గుర్తింపు వచ్చిందన్నారు. గత ఐదేళ్ల పాలనలో జరిగిన విధ్వంసం నుంచి బయటపడి రాష్ట్రాన్ని గాడిలో పెట్టేందుకు నిర్మలా సీతారామన్ సహకరించారని చంద్రబాబు అన్నారు. ప్రతి ఇంట్లో మహిళ ఆర్థిక మంత్రి ఉంటారని అన్నారు. వెంటిలేటర్ పై ఉండే ఆంధ్రప్రదేశ్ ఆర్థిక పరిస్థితిని బయటకు తీసుకు రావడంలో ప్రధానితో పాటు నిర్మలా సీతారామన్ సహకారం తమకు ఉపయోగపడిందని చంద్రబాబు తెలిపారు.