Amaravathi : రాజధాని అమరావతి రైతులను పట్టించుకునేదెవరు?

చంద్రబాబు నాయుడు ఒక్క పిలుపు ఇవ్వగానే .. ఏమీ ఆలోచించకుండా మూడు పంటలు పండే భూములను రాజధాని అమరావతి కోసం ఇచ్చారు. అయితే కూటమి ప్రభుత్వం అధికారంలోకి వచ్చిన రెండేళ్లవుతున్నా వారి సమస్యలను ఏమాత్రం పరిష్కారం కావడం లేదు. ముఖ్యంగా ఎకరం, రెండు ఎకరాలు ఇచ్చిన రైతులను సీఆర్డీఏ అధికారులు చిన్నచూపు చూస్తున్నారంటూ ఆ ప్రాంత రైతులు ఆరోపిస్తున్నారు. చివరకు గత ప్రభుత్వ హయాంలో ఉద్యమించిన జేఏసీ నేతలను కూడా పెద్దగా పట్టించుకోవడం లేదంటున్నారు. తమకు ప్లాట్లు కేటాయించడంపై కూడా ఇంకా వీలుకాకపోతే ఎలా అని ప్రశ్నిస్తున్నారు. కనీసం మౌలిక సదుపాయాలు కల్పించలేదన్నది వారి ఆరోపణ.

రాజధాని రైతులు, ప్రజలు మళ్లీ ఆందోళనకు సిద్ధపడుతున్న సమయంలో ముఖ్యమంత్రి చంద్రబాబు నాయుడు తిరిగి గుంటూరు ఎంపీ, మాజీ కేంద్ర మంత్రి పెమ్మసాని చంద్రశేఖర్, ఎమ్మెల్యే శ్రావణ్ కుమార్ తో పాటు నారాయణను కూడా అందులో చేర్చారు. కానీ వారు వచ్చి కూడా తమ సమస్యలను పరిష్కరించడం లేదని వారు ఆరోపిస్తున్నారు. ఆడంగల్ కోసం కూడా ఏడాదిన్నర నుంచి సీఆర్డీఏ కార్యాలయం చుట్టూ తిరుగుతున్నా ఫలితం లేదని వారు అంటున్నారు. అనేక కార్పొరేట్ సంస్థలకు భూములిస్తున్న ప్రభుత్వం తమకు ఎందుకు ప్లాట్లు కేటాయించడం లేదని, అదేమంటే ఏదో ఒక కారణం చూపి కొర్రీలు వేస్తున్నారని అంటున్నారు. రాజధాని రైతులు, కూలీలు, ప్రజల ఇచ్చిన హామీలను నెరవేర్చటంపై ముఖ్యమంత్రి సత్వర చర్యలు చేపట్టాలని కోరుతున్నారు. నేటి సమావేశంలో చంద్రబాబు రైతులకు అనుకూలంగా కీలక నిర్ణయాలు తీసుకునే అవకాశముంది.