Amaravathi : రాజధానికి కేంద్ర ప్రభుత్వ సంస్థలు వచ్చే అవకాశం లేదా?

రాష్ట్ర విభజన జరిగి పదేళ్లవుతుంది. నూతన రాజధాని ప్రకటించి దాదాపు తొమ్మిదేళ్లవుతుంది. అయినప్పటికీ ఇప్పటి వరకూ కేంద్ర ప్రభుత్వ సంస్థలు రాజధాని ప్రాంతంలో తమ సంస్థల నిర్మాణానికి ఆసక్తి చూపకపోవడానికి కారణాలపై స్థానిక రైతుల్లో చర్చ జరుగుతుంది. కేంద్ర సంస్థలు అమరావతిలో నెలకల్పటానికి ఇబ్బంది ఏమిటి? అన్న ప్రశ్నకు సమాధానం లేదు. కేంద్రంలోనూ, రాష్ట్రంలోనూ అధికారంలో భాగస్వామ్యులుగా ఉండి కూడా కనీసం కేంద్ర ప్రభుత్వసంస్థలను అమరావతికి రప్పించకపోవడంపై ఇక్కడ రైతాంగం పెదవి విరుస్తుంది.

ఇక తమ సమస్యలు అలాగే ఉన్నాయని రైతులు వాపోతున్నారు. కమర్షియల్ ఎఫ్ ఎస్ ఐ పెంచమని రైతులు రెండు సంవత్సరాల నుంచి అడుగుతున్నారు. వాళ్లను పట్టించుకున్న వాళ్ళు లేరు. రాజధానిలో రోడ్ల నిర్మాణాలు పూర్తి కావాలంటే భూ సమీకరణ జరగాలని మంత్రి నారాయణ చెబుతున్నారు. రైతులు అంగీకరించకపోతే భూమిని సమీకరిస్తామని అంటున్నారు. రైతులుమాత్రంతమ భూములను రహదారి నిర్మాణం కోసం తీసుకుంటే జాతీయ రహదారుల భూసేకరణ చట్టం రాజధాని లో కూడా అమలు అయ్యేటట్టు పార్లమెంట్లో చట్టం తేవాలని రైతులు డిమాండ్ చేస్తున్నారు. లేకుంటే తమకు పరిహారం అరకొరగా అందుతుందనిఅంటున్నారు.మొత్తం మీద రాజధాని అమరావతిలో రైతుల డిమాండ్లపై ప్రభుత్వం ఏరకంగా స్పందిస్తుందో చూడాలి.