సజ్జల వ్యాఖ్యలకు మంత్రి నారాయణ కౌంటర్

రైతులతో మాట్లాడటానికి ఇష్టపడని నాయకులు ఇప్పుడు లేనిపోని ప్రేమ చూపిస్తారన్న మంత్రి నారాయణ గత ప్రభుత్వం నిర్వాకంతోనేనే అమరావతి పనులు ఆలస్యంగా ప్రారంభమయ్యాయన్నారు. అమరావతి నిర్మాణ పనులకు పారదర్శకంగా టెండర్లు పిలిచామని, రాజధానిపై బురద జల్లే ఉద్దేశంతో అనవసర ఆరోపణలు చేస్తున్నారన్నారు. తెలంగాణ సెక్రటేరియట్ లో కేవలం మంత్రులు,వారి శాఖలు,అధికారులు మాత్రమే ఉండేలా నిర్మించారని, అమరావతిలో నిర్మించే సెక్రటేరియట్ లో మంత్రులు,సిబ్బంది, హెచ్.ఓ.డీ లు,ఇతర కార్పొరేషన్లు అన్నీ ఒకేచోట ఉండేలా నిర్మిస్తున్నామని మంత్రి నారాయణ చెప్పారు. ప్రజలకు పాలన దగ్గరగా ఉండేవిధంగా అన్ని నిర్మాణాలు చేస్తున్నామని తెలిపారు.