Andhra Pradesh Budget : వ్యవసాయశాఖ బడ్జెట్ లో కేటాయింపులివే

ఆంధ్రప్రదేశ్ శాసనసభలో వ్యవసాయశాఖకు సంబంధించిన బడ్జెట్ ను మంత్రి అచ్చెన్నాయుడు ప్రవేశపెట్టారు. వ్యవసాయశాఖకు సంబంధంచి 43,402 కోట్ల రూపాయలతో బడ్జెట్ ను ప్రవేశ పెట్టారు. గత ప్రభుత్వం రైతుల పంటలకు బీమా అందించలేదని అచ్చెన్నాయుడు తెలిపారు. అదే సమయంలో తమ ప్రభుత్వం భూసార పరీక్షలకు, వడ్డీలేని రుణాలను అందించేందుకు ప్రాధాన్యం ఇస్తామని వ్యవసాయ శాఖ మంత్రి అచ్చెన్నాయుడు తెలిపారు. రైతులను అన్ని రకాలుగా ఆదుకునేందుకు తమ ప్రభుత్వం ముందుంటుందని తెలిపారు. రైతుల సంక్షేమానికి తమ కూటమి ప్రభుత్వం సిద్ధంగా ఉందని వ్యవసాయశాఖ మంత్రి అచ్చెన్నాయుడు తెలిపారు. రైతులు పండించే పంటలకు గిట్టుబాటు ధరలు కల్పిస్తామని మంత్రి అచ్చెన్నాయుడు తెలిపారు. అలాగే తుపానులు, వరదల వల్ల నష్టపోయిన రైతులను తమ ప్రభుత్వం ఆదుకుంటుందని అచ్చెన్నాయుడు భరోసా ఇచ్చారు.