అమలాపాల్‌కు విడాకులు
సినీ నటి అమలాపాల్‌, ఆమె భర్త విజయ్‌లకు చెన్నై ఫ్యామిలీ కోర్టు విడాకులు మంజూరు చేసింది.కెరీర్‌ తారా స్థాయిలో ఉండగానే విజయ్‌తో ప్రేమలో పడి పెళ్లి చేసుకున్న అమలాపాల్‌ వైవాహిక జీవితం అంతా సాఫీగా సాగలేదు. జ్యూడీషియల్‌ సెపరేషన్‌లో భాగంగా గత ఆర్నెల్లుగా విడివిడిగా ఉంటున్న వీరికి మంగళవారం విడాకులు మంజూరయ్యాయి. 2014 జూన్‌ 12న వీరిద్దరూ పెద్దల సమక్షంలో ఒక్కటయ్యారు.
సినిమాలు వద్దన్నందుకే...
అయితే పెళ్లి తర్వాత సినిమాలకు దూరంగా ఉండాలన్న అత్తింటి వారి నిబంధనను అమల పాటించకపోవడంతో వారి మధ్య విభేదాలు తలెత్తాయి. దీంతో ఆ జంట వివాహమైన కొంత కాలానికే విడిపోవాలని నిర్ణయించుకుని కోర్టును ఆశ్రయించింది. వివాహ బంధానికి దూరమైన తర్వాత ఈ ఇద్దరూ తమ తమ కెరీర్‌లపై పూర్తిగా దృష్టి కేంద్రీకరించారు. అమల చేతిలో ఇప్పటికే అరడజను ఆఫర్లు ఉండగా.. విజయ్‌ కూడా రెండు సినిమాలను డైరెక్ట్‌ చేస్తున్నాడు.
